Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бразилияда биринчи бор мусулмон аёллар учун шаръий либослар кўргазмаси ўтказилди.
Сан Пауло шаҳрида муслималар учун тикилган либослар кўргазмасининг анжумани бўлиб ўтди. Бразилиялик муслималар томонидан ташкил этилган ушбу анжуманда сўнгги беш йил мобайнида Бразилияда яшовчи муслималар ва Исломга энди кираётган аёллар сонининг кундан-кунга ортиб бораётгани ҳамда исломий кийимларнинг етишмаётганлигини инобатга олиб, янги кийимларни кўпайтириш масаласи ўртага ташланди. Исломий либосларнинг бир неча хил дизайнини намойиш қилишда бразилиялик муслималар иштирок этишди. Айтиш лозимки, Бразилия ва Лотин Америкасидаги ҳижоб ва исломий либослар етишмовчилиги муаммосини ҳал қилишда ўзининг салмоқли ҳиссасини қўшаётган «Иқро» канали мазкур мавзуга оид кўрсатувларни намойиш этди.
