Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Эртага 26 апрель куни пойтахтимизнинг Хўжа Аламбардор масжидида бўлиб ўтадиган XXVII Қорилар мусобақаси олди тайёргарлик ишлари қизғин олиб борилмоқда. muslimaat.uz сайти ҳодималари масжид ховлисига яқинлашар эканмиз бу йилги мусобақа шукуҳи ҳамда тайёргарлик аввалгиларига нисбатан янада қизғин эканлигига гувоҳ бўлдик. Мусобақа ташкилотчилари ва иштирокчиларини қўллаб-қувватлаш мақсадида уюштирилган эҳсон дастурхони эса айни муддао бўлди. Аллоҳ таолодан мусобақа иштирокчиларига, ташкилотчиларга ва Қуръонга муҳаббатли барча хизмат қилаётган азизларга икки дунё саодатини тилаб қоламиз.
