Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Душанба куни Голландиянинг ўнг партия аъзоси, мусулмонларга қаршилиги билан маълум бўлган сиёсатчи Йорам Ван Клаверен Исломни қабул қилганини эълон қилди. Унинг эътироф этишича, Ислом ҳақида китоб ёзар экан, бу сиёсатчининг танқидлари ҳақ динга кириши билан якун топди. Голландия радиосига берган интервьюсида у шундай деди: «Ёзиш жараёнида менинг Ислом ҳақидаги қарашларимни тубдан ўзгартирган маълумотлар тобора кўпроқ учради».
Ван Клеверен 2010-2014 йилларда Озодлик партиясидан парламент аъзоси бўлган. Ўша пайтларда у Исломнинг ашаддий танқидчиси эди. NRC унинг ўша пайтдаги «Ислом – бу ёлғон», «Қуръон – заҳар», деган сўзларини иқтибос қилиб келтиради.
Газетага берган интервьюсида унга берилган «Айтган сўзларингиз учун ўзингизни айбдор ҳис қиласизми?» деган саволга у «шунчаки адашганини» таъкидлаб, ўша пайтдаги партиянинг сиёсати шундай бўлганини, барча ёмон нарсалар у ёки бу тарзда Исломга боғланиши лозим бўлганини қайд қилди.
«Қандай янгилик! Собиқ ўта ўнгчи голландиялик парламент аъзоси исломофоблиги билан мушҳур эди. Энди у Исломга кирибди. Исломни ёмонотлиқ қилиш учун ёзаётган китоби унинг ҳақ динга кириш ҳикоясига айланди», деб ёзади Европа тадқиқотлар институти кичик илмий ходими, Яқин Шарқ масалалари бўйича таниқли мутахассис Коерт Дебойф ўзининг Твиттер профилида.