Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
AҚШ президентлигига асосий даъвогарлардан бири собиқ вице-президент, Демократик партияси аъзоси Жо Байден барча Aмерика мактабларида Ислом динига оид дарсларни жорий қилишни таклиф қилди.
“Мактабларимизда Ислом дини ҳақида кўпроқ билим беришларини истардим. Чунки Ислом дини энг кўп эътиқод қилинувчи дин ҳисобланади”, деди Жо Байден.
Шунингдек, у амалдаги президент Доналд Трампнинг ҳокимият тепасига келиши билан, бир қатор мусулмон мамлакатлари аҳолисининг AҚШга киришига қўйилган тақиқни бекор қилишни режалаштираётганини таъкидлади. Яна унинг таъкидлашича, Доналд Тармп баъзи хатти-ҳаракатлари туфайли мамлакатда ва бутун дунёда исломофобиянинг кескин ўсишига олиб келган.
Эслатиб ўтамиз, AҚШда президентлик сайловлари 3 ноябрь ойида бўлиб ўтади. Маълумки, амалдаги президент Доналд Трамп республикачилар партиясидан сайланади. Демократлар эса Жо Байденни қўллаб-қувватлашга тайёр.
Манба: islamisemya.com
Дилноза Мамадалиева таржимаси
