Тошкентда отинойиларимиз учун семинар бўлиб ўтди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Кеча 10 декабрь куни “Шайх Муҳаммад Содиқ Муҳаммад Юсуф” жомеъ масжидида Тошкент шаҳрида фаолият олиб бораётган отинойиларимиз учун бир кунлик ўқув семинари бўлиб ўтди. Семинар Ўзбекистон халқаро ислом академияси ҳузуридаги Малака ошириш маркази билан ҳамкорликда ташкил этилди.

Семинар Қуъони карим тиловати билан очилди. Дастлаб Тошкент шаҳар бош имом-хатиби ўринбосари Абдуқаҳҳор Юнусовнинг “Бидъат-хурофотлар ва фолбинликнинг салбий оқибатлари” мавзусида нутқи тингланди. Сўнгра Тошкент шаҳар бош имом-хатибининг хотин-қизлар масалалари бўйича ёрдамчиси Зулайҳо Соатова “Аёллар ва ёшларни турли ёт ғоялардан ҳимоя қилишда отинойиларнинг ўрни: муаммо ва ечимлар” мавзусида маъруза қилди. Чилонзор тумани бош имом-хатиби Эргашали Рустамов “Аёлларга хос фиқҳий масалалар” мавзусида маъруза қилиб,  фиқҳ фани ва аёлларга хос масалалар, ихтилофли масалалар тўғрисида маълумот берди. Тошкент шаҳар вакиллиги бош мухатассиси Саҳобиддин Сатимов “Қирқ  фарз  баёни” мавзусини  ёритиб берди.

Отинойиларимиз маърузалар юзасидан фиқҳий ва ақидавий масалалар бўйича саволлар бердилар, маърузачилар батафсил жавоб қайтаришди.

Шунингдек, семинарда бидъат маросимларни ўтказишнинг олдини олиш ва сохта табиблик билан шуғулланаётган аёлларга тушунтириш ишларини олиб бориш бўйича фикр-мулоҳазалар билдирилди.

Биз ҳам мутахассисларимиз томонидан ўтказилган бундай ўқув машғулотлари келгусида отинойиларимиз фаолиятида муҳим ўрин тутади, деган умиддамиз.

Мавзуга оид мақолалар
Қадимий ва классик шарқ иқтисодиёти олий мактаби институти quotРоссияда Мусулмон оламиquot деб номланган давоми...

21:58 / 06.07.2020 4239
Лондонлик 100 ёшли отахон Рамазонда қочқинлар шарафига ўз уйи атрофидаги боғни 100 марта айланиб чиқиб, хайрия давоми...

23:12 / 08.05.2020 5277
.Иннаа лиллааҳи ва иннаа илайҳи рожиъун,.Muslimaat.uz сайти ва Bintu Sodiq, muallim.media. Peshqadam Karvoni каналлари ижодий жамоаси давоми...

07:26 / 19.06.2023 2309
Арканзас штатидаги Мадина Ислом институтининг ректори Сафия Саид ҳуқуқни муҳофаза қилиш маҳкамалари билан давоми...

23:44 / 29.04.2020 5141