Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Рамазон ойи келганда мен йил давомида ҳар душанба ва пайшанба кунлари ҳам бемалол нафл тутишга қодир эканимни ва бу тасаввур қилганимчалик қийин эмаслигини кашф қиламан.
Шунингдек, бир ойда бир марта Қуръон хатм қилиш ҳам шайтон васваса қилганидек, у қадар машаққат эмаслигини ва буни амалга ошириш ажабтовур мўъжиза эмас, балки ҳаракат қилса эришса бўлиши ҳам аён бўлади.
Рамазонда саҳарликка бомдоддан олдин бемалол уйғонарканман, рамазондан бошқа ойларда ҳатто бомдод намозига уйғонишдан ожиз бўлганимни ўйлаб, ўзимга ҳайрон қоламан.
Яна шу билан бирга, (эҳсон ва садақалар қилса бўладиган) фақир ва муҳтожлар йил давомида бор эканларини, мен бўлсам уларни фақат Рамазонда кўришим ҳам ойдинлашади.
Валлоҳи, Рамазон улкан дарс ва таълим олиш мумкин бўлган бир ўқув курси экан: Унинг мавзуси бўлса: “Биз (аслида ҳар доим бу ишларга) қодирмиз, ҳамиша бажара оламиз”, экан.
Аллоҳим, биз (бефарқлик қилиб) бой берганларимиз учун бизни кечиргин!
Аҳмад Холид Тавфиқ
