Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Анас розияллоҳу анҳудан ривоят қилинади,

 Набий алайҳиссалом ўлим тўшагида ётган бир йигитнинг олдига кириб: “Ўзингни қандай ҳис қиляпсан?” дедилар.  Йигит: “Аллоҳдан умид қиляпман, эй Аллоҳнинг Расули, гуноҳларимдан хавфсираяпман”, деди.

У зот алайҳиссалом: "Хавф ва умид бир банданинг қалбида жамланар экан, Аллоҳ унга умид қилган нарсасини беради ва хавфсираганидан омонлик беради”, дедилар .