Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Аҳли суннат вал жамоа ақидасининг муҳим қисми жаннат ва жаҳаннамнинг ҳақлигига, уларнинг яратиб қўйилганига ва ҳозирда мавжудлигига, уларнинг боқийлигига, улар ва аҳлларининг фоний (йўқ) бўлмаслигига ишонишдир. Қуръони карим ва ҳадиси шарифларда жаннат ва жаҳаннам қандай сифатланган бўлса, ҳаммаси ҳақдир. Жаннат – мўминларнинг, жаҳаннам эса кофирларнинг абадий қолажак жойларидир. Жаннат ва жаҳаннамнинг ўринлари аниқ баён қилинган оят ва ҳадислар ворид бўлмаган. Уларнинг қаердалигини танҳо Аллоҳ таоло билади.
