«Ўзбекистон мени ҳайратга солди!»
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Хабар

 

«Ўзбекистон мени ҳайратга солди!»

Бугун – 2017 йилнинг 27 октябрь куни Ўзбекистон Миллий Университети, филология факултетида озарбайжонлик адиба, доктор Элужа Отали (Мадина Ҳусейнова)нинг ўзбек тилига ўгирилган «Ўзинг кел» номли китоби тақдимоти бўлиб ўтди. Кечага адибанинг ўзи ҳам таклиф қилинди. Албатта, бу учрашув талабаларда ҳам, адибанинг ўзида ҳам катта таассурот қолдирди.

Шунингдек, адиба ЎзМУнинг собиқ талабаси, ўзбек адабиётида ўз қалами билан бир қанча мухлислар эътиборини қозонган шоира ва адиба Гулбаҳор Абдуллоҳ билан ҳам учрашув ўтказди. Икки адибанинг турк тилида эркин мулоқотлари йиғилганларни ҳайратга солди. Улар бир-бирларига ўзларининг нашр қилинган китобларидан ҳадялар улашишди.

Адиба суҳбат асносида Гулбаҳор Абдуллоҳга бу ўзининг Ўзбекистонга илк ташрифи эканини, ўзбек хонадонида меҳмон бўлиш бахти насиб этганидан бениҳоят мамнун эканини, ўзбек халқининг миллий таомлари, урф-одатлари билан танишганини ва бу миллатнинг меҳмондўстлиги, шинавандалиги, бағрикенглигидан жуда ҳайратда эканини сўзлаб берди.

Адиба ўзбекистонда эзгу фаолият олиб бораётган “Muslimaat.uz ” сайти учун махсус интервью бериши ҳақида ҳам билдирди.

Озарбайжонлик адиба Ўзбекистоннинг фахри бўлмиш қадимий Самарқанд, Бухоро ҳамда Хоразм шаҳарларини ҳам зиёрат қилиш мақсадида эканини айтди. Унга адибанинг «Ўзинг кел» номли китобини ўзбекистонлик ўқувчиларга тақдим қилган таржимон Шермурод Субхон ҳамроҳлик қилмоқда.

Зуҳрахон Ҳамдамова,

журналист

 “muslimaat.uz ” учун махсус.

 
Мавзуга оид мақолалар
Зулукнинг табиатда тахминан 400 тури мавжуд бўлиб, табобатда ишлатиладиган тури оч ҳолидаги оғирлиги 5 гр.ни давоми...

14:17 / 24.11.2016 14437
Орасида туғиш ва эрхотинлик алоқаси борларга. Бунда кишининг туққанлари, яъни отаонаси, неча поғона давоми...

14:26 / 04.06.2017 4074
  «Қўлида мулк бўлган У Зот улуғ, муқаддас бўлди. У барча нарсага қодирдир. У ўлим ва ҳаётини сизларнинг давоми...

21:57 / 11.03.2017 11037
Ўн битта ой ичра султон  cор бўлиб кел, Рамазон, Расулуллоҳ умматига ёр бўлиб кел, Рамазон Жоним тўшай давоми...

19:49 / 26.05.2017 4819