Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бир кишини яхши билиб олишнинг учта шарти бор: бирга сафарга чиқиш, бир маконда бўлиш ва савдо қилиш.
Майсара Муҳаммад алайҳиссаломни яхши таниш учун учала шартни ҳам топганди. Айниқса у даврлар учун сафар бировни кўпроқ таниб олишнинг энг яхши воситаси эди. Чунки сафар кишининг кимлигини, шахсиятини очиб берадиган ҳақиқий калитларни қўлга олишдир. Зотан, араб тилида "сафар" масдаридаги сўз "яланғоч", "яланг" каби маъноларини беради. Сафар инсоннинг қандайлигини сир тутувчи ҳар турли ёпинчиқни олиб ташлагани учун мана шу сўз билан ифодаланади.
Бугун машаққатли сафарлар қолмагани сабаб бировни таниб олиш учун фурсатлар оздир балки...
"Аёллар оламининг султони" китобидан
