Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Баҳраманд бўлинг!
- Арпабодиён ― томоғингизда қуришни сезсангиз, унинг меваларини чойга қўшиб ичишингиз фойдали. Бундай чойни йўтал бошланган заҳоти ичишни бошласангиз, тезроқ тузалишга муяссар бўласиз.
- Ясмин ― бу ўсимлик организм толиққанда ёрдам беради. Қон босими тушганда уни кўтариш ва иштаҳани очиш хусусиятига эга.
- Занжабил ― унинг илдизини қирғичдан чиқариб ёки бўлакларга бўлиб, чойга қўшиб дамлаш мумкин. Организмни тетиклаштиради ва моддалар алмашинувини фаоллаштиради.
- Тирноқгул ― унинг уруғи бактерияларни ўлдирадиган хусусиятга эга бўлиб, шамоллаш ва ангинада шифо бўлади.
- Лаванда ― тинчлантирувчи ҳамда оғриқ қолдирувчи ўсимлик ҳисобланади. Лавандали чой уйқусизлик ва асаб касалликларида ёрдам беради.
- Ялпиз ― унинг хушбўй барглари қора чой билан дамланганда тинчлантирувчи ва бўшаштирувчи хусусиятларига эга. Ялпиз овқат ҳазм бўлмаганда, баланд иситмада ҳамда гриппда ёрдам беради. Ялпиз бронх шамоллаганда, томоқ қичиши ва йўтал каби асоратларнинг олдини олади.
